ଆମେରିକା ରାଷ୍ଟ୍ରପତିଙ୍କ ବାସଭବନ ହ୍ୱାଇଟ ହାଉସ ଗେଟ୍କୁ ପିଟିଲା କାର, ଡ୍ରାଇଭର ଗିରଫ
ହ୍ୱାଇଟ ହାଉସ ସୁରକ୍ଷାରେ ବଡ ତ୍ରୁଟି । ଭାରସାମ୍ୟ ହରାଇ ଏକ କାର୍ ହ୍ୱାଇଟ ହାଉସର ଫାଟକକୁ ଧକ୍କା ଦେଇଛି । ସ୍ଥାନୀୟ ସମୟ ସନ୍ଧ୍ୟା ୬ଟାରେ ଏଭଳି ଘଟଣା ଘଟିଛି । କାର୍ ଡ୍ରାଇଭରକୁ ପୋଲିସ ଗିରଫ କରିଛି ।
ଆମେରିକାର ରାଷ୍ଟ୍ରପତି ବାସଭବନ ହ୍ୱାଇଟ ହାଉସ ସୁରକ୍ଷାରେ ବଡ ତ୍ରୁଟି । ଭାରସାମ୍ୟ ହରାଇ ଏକ କାର୍ ହ୍ୱାଇଟ ହାଉସର ଫାଟକକୁ ଧକ୍କା ଦେଇଛି । ହ୍ୱାଇଟ ହାଉସର ବାହାର ଫାଟକରେ ଏହି କାରଟି ପିଟି ହୋଇଥିବା ସୂଚନା ମିଳିଛି । ସ୍ଥାନୀୟ ସମୟ ସନ୍ଧ୍ୟା ୬ଟାରେ ଏଭଳି ଘଟଣା ଘଟିଛି । କାର୍ ଡ୍ରାଇଭରକୁ ପୋଲିସ ଗିରଫ କରିଛି ।
ଦୁର୍ଘଟଣା ସମୟରେ ଆମେରିକା ରାଷ୍ଟ୍ରପତି ଜୋ ବାଇଡେନ୍ ହ୍ୱାଇଟ ହାଉସରେ ନଥିବା ଜାଣିବାକୁ ମିଳିଛି । ଏହି ଦୁର୍ଘଟଣାକୁ ନେଇ ଆମେରିକାର ସିକ୍ରେଟ ସର୍ଭିସ ପକ୍ଷରୁ ତଦନ୍ତ ଆରମ୍ଭ ହୋଇଯାଇଛି । ସିକ୍ରେଟ ସର୍ଭିସର ଚିଫ୍ ଅଫ୍ କମ୍ୟୁନିକେସନ୍ସ ଆନ୍ଥେନୀ ଗୁଗ୍ଲିମୀ ବୟାନରେ କହିଛନ୍ତି, ସନ୍ଧ୍ୟା ୬ଟା ସମୟରେ ହ୍ଵାଇଟ ହାଉସର ବାହାର ଗେଟରେ ଏକ କାର୍ ଧକ୍କା ହୋଇଥିଲା । ତେବେ ଦୁର୍ଘଟଣା କାହିଁକି, କେମିତି ହେଲା ତାହାର ଯାଞ୍ଚ ଚାଲିଛି ।
US: Vehicle crashes into gate of White House, driver taken into custody
Read @ANI Story | https://t.co/a0c3rQk6jZ#US #WhiteHouse pic.twitter.com/J6pj89F4Ho
— ANI Digital (@ani_digital) January 9, 2024
ଏହି ଘଟଣା ପରେ ହ୍ଵାଇଟ ହାଉସ ପାଖରେ ଥିବା ୧୫ ଷ୍ଟ୍ରିଟ୍ ଏବଂ ପେସିଲବୋନିୟା ଆଭେନ୍ୟୁ ପାଖରେ ଯାତାୟତ ଉପରେ ପ୍ରତିବନ୍ଧକ ଲାଗିଛି ।