ଟ୍ଵିଟର ସିଇଓ ପଦ ଛାଡ଼ିବେ ଏଲନ ମସ୍କ, ୬ ସପ୍ତାହ ଭିତରେ ପଦ ସମ୍ଭାଳିବେ ଜଣେ ମହିଳା
ଟ୍ଵିଟର ସିଇଓ ପଦ ଛାଡ଼ିବେ ଏଲନ ମସ୍କ । ଜଣେ ମହିଳା ହେବେ ଟ୍ବିଟରର ପରବର୍ତ୍ତୀ ସିଇଓ । ୬ ସପ୍ତାହ ଭିତରେ ସେ ଏହି ଦାଇତ୍ୱ ସମ୍ଭାଳିବେ । ଏହା ପୂର୍ବରୁ ମସ୍କ ନିଜର ପୋଷା କୁକୁରକୁ ଟ୍ଵିଟର ସିଇଓ ପଦରେ ବସାଇଥିଲେ ।
କେନ୍ୟୁଜ୍(ବ୍ୟୁରୋ): ଟ୍ଵିଟର ସିଇଓ ପଦ ଛାଡ଼ିବେ ଏଲନ ମସ୍କ । ମସ୍କ ଟ୍ଵିଟକରି ଜଣାଇଛନ୍ତି, ସେ ଏକ ନୂଆ ସିଇଓଙ୍କୁ ନିଯୁକ୍ତି ଦେଇଛନ୍ତି । ମସ୍କଙ୍କ ପରେ ସେ ଟ୍ଵିଟର ସିଇଓ ପଦ ସମ୍ଭାଳିବେ । ହେବାକୁ ଥିବା ସିଇଓଙ୍କ ନା କିନ୍ତୁ ମସ୍କ କହି ନାହାଁନ୍ତି । କିନ୍ତୁ ଟ୍ଵିଟ ଯୋଗେ ଏହା ସଙ୍କେତ ଦେଇଛନ୍ତି ସେ ଏକ ମହିଳା ବୋଲି । ଆଗାମୀ ୬ ସପ୍ତାହ ଭିତରେ ସେ ଏହି ପଦ ସମ୍ଭାଳିବେ ବୋଲି ମସ୍କ ଟ୍ଵିଟ ଯୋଗେ କହିଛନ୍ତି ।
ମସ୍କ ଟ୍ଵିଟରେ ଲେଖିଛନ୍ତି ସେ କେବଳ କାର୍ଯ୍ୟକାରୀ ଅଧ୍ୟକ୍ଷ ପଦ ସମ୍ଭାଳିବେ । ଏହାସହ ମୁଖ୍ୟ ବୈଷୟିକ ଅଧିକାରୀ ଭାବେ କାର୍ଯ୍ୟ କରିବେ । ସେକେବଳ ଉତ୍ପାଦ, ସପ୍ଟେଓ୍ଵର ଓ ସିଷ୍ଟମ ଅପରେଟର ଭାବେ ଦେଖାରେଖା କରିବେ । ମସ୍କ ନିଜ ଟ୍ଵିଟରେ ଲେଖିଛନ୍ତି ‘ମୁଁ ଉତ୍ସାହର ସହ ଘୋଷଣା କରୁଛି ଯେ ମୁଁ ଟ୍ଵିଟର ପାଇଁ ଏକ ନୂଆ ସିଇଓଙ୍କୁ ନିଯୁକ୍ତ ପ୍ରଦାନ କରିଛି । ୬ ସପ୍ତାହ ଭିତରେ ସେ ଏହି ଦାଇତ୍ୱ ସମ୍ଭାଳିବେ । ମୋର ଭୂମିକା କେବଳ କାର୍ଯ୍ୟକାରୀ ଅଧ୍ୟକ୍ଷତା ଓ ମୁଖ୍ୟ ବୈଷୟିକ ଅଧିକାରୀର ରହିବ । ମୁଁ କେବଳ ଉତ୍ପାଦ, ସପ୍ଟେଓ୍ଵର ଓ ସିଷ୍ଟମ ଅପରେଟର ଭାବେ ଦେଖାରେଖା କରିବି ।’
Excited to announce that I’ve hired a new CEO for X/Twitter. She will be starting in ~6 weeks!
My role will transition to being exec chair & CTO, overseeing product, software & sysops.
— Elon Musk (@elonmusk) May 11, 2023
ଏହା ପୂର୍ବରୁ ମସ୍କ ନିଜର ପୋଷା କୁକୁରକୁ ଟ୍ଵିଟର ସିଇଓ ପଦରେ ବସାଇଥିଲେ । ଯାହାର ନା ରହିଥିଲା ଫ୍ଲୋକୀ । ମସ୍କ ସିଇଓ ଚଉକିରେ ବସିଥିବା ନିଜର ପୋଷା କୁକୁର ଫ୍ଲୋକୀର ଫଟୋକୁ ଟ୍ଵିଟ କରି ସେୟାର କରିଥିଲେ । ଫ୍ଲୋକୀ ବ୍ରାଣ୍ଡେଡ କଳା ରଙ୍ଗର ଟି-ସାର୍ଟ ପିନ୍ଧିଥିଲା । ସାର୍ଟ ଉପରେ ସିଇଓ ଲେଖାଥିଲା ।
