Sabuthi Sabubele Hata Muthare Khabar

କରୋନା ସତର୍କତା ନେଇ Apple କମ୍ପାନୀ ନେଲା ବଡ ନିଷ୍ପତ୍ତି, ଦୁଇ ରୁ ଅଧିକ ଆଇଫୋନ କିଣିବା ଉପରେ ଲଗାଇଲା ରୋକ

କରୋନା ଭାଇରସର ପ୍ରଭାବ ବିଶ୍ୱ ଅର୍ଥ ବ୍ୟବସ୍ଥା ଉପରେ ଗଭୀର ଭାବେ ପଡିଛି । ଏହାର ପ୍ରଭାବ ମାନୁଫାକଚରିଂ କମ୍ପାନୀ ଗୁଡିକ ଉପରେ ବି ପଡିଛି । ବିଶ୍ୱର ଅଧିକାଂଶ କମ୍ପାନୀ କଞ୍ଚାମାଲ ପାଇଁ ଚୀନ ଉପରେ ନିର୍ଭର କରୁଥିବାରୁ ହିଁ ଏହି ଭାଇରସର ସଂକ୍ରମଣ ବିଭିନ୍ନ ଦେଶକୁ ବ୍ୟାପି ପାରିଛି । ଏଭିତରେ ପ୍ରଡକ୍ଟ ଗୁଡିକର ଅଭାବ ଯେମିତି ନହେବ ଆପଲ କମ୍ପାନୀ ଏକ ନୂଆ ନିୟମ ଜାରି କରିଛନ୍ତି । କମ୍ପାନୀର ନୂଆ ନିୟମ ଅନୁଯାୟୀ ଏଣିକି ଜଣେ ଲୋକ ଏକା ସାଙ୍ଗରେ ୨ ରୁ ଅଧିକ ଆପଲ କମ୍ପାନୀର ଆଇଫୋନ କିଣିପାରିବେ ନାହିଁ ।

apple

ବିଶେଷ ଭାବେ ଏହି ରୋକ କମ୍ପାନୀର ଅନଲାଇନ ଷ୍ଟୋର ଗୁଡିକରେ ଲଗାଯାଇଥିବା ଜଣାଯାଇଛି । ଅନ୍ୟ ପକ୍ଷରେ କମ୍ପାନୀର ଅଫଲାଇନ ଷ୍ଟୋର ଗୁଡିକୁ ପୂର୍ବରୁ ହିଁ ବନ୍ଦ କରିଦିଆଯାଇଛି । କମ୍ପାନୀ ତରଫରୁ ଏହି ସୂଚନା ଅଫିସିଆଲ ୱେବସାଇଟରେ ଦିଆଯିବା ସହ ଆମେରିକା ଓ ଚୀନ ଦେଶର ୟୁଜର ମାନେ ଏକା ସାଥିରେ ୨ ରୁ ଅଧିକ ଫୋନ କିଣି ପାରିବେ ନାହିଁ ବୋଲି ସ୍ପଷ୍ଟ କରାଯାଇଛି | କମ୍ପାନୀ ୱେବସାଇଟକୁ ଯାଇ ଆପଣ ଏବିଷୟରେ ଅଧିକ ସୂଚନା ପାଇପାରିବେ । ଏହି ନିୟମ ଆଇଫୋନର ସମସ୍ତ ମଡେଲ ଉପରେ ହିଁ ଲାଗିବ ।

ସୂଚନା ମୁତାବକ ଏହି ପରି ରୋକ ଆପଲ କମ୍ପାନୀ ପ୍ରଥମ ଥର ପାଇଁ ଲଗାଇନାହିଁ । ଏହା ପୂର୍ବରୁ ୨୦୦୭ ମସିହାରେ କଳାବଜାରୀ ଉପରେ ରୋକ ଲଗାଇବା ପାଇଁ ଏପରି ରୋକ ଲଗାଯାଇଥିଲା । କିଛି ଦିନ ପୂର୍ବରୁ ହିଁ କମ୍ପାନୀ ନିଜର ରିଟେଲ ଷ୍ଟୋର ଗୁଡିକୁ ବନ୍ଦ କରିବା ପାଇଁ ନିଷ୍ପତି ନେଇଛନ୍ତି । ଆସନ୍ତା ମାର୍ଚ୍ଚ ୨୭ ତାରିଖ ପର୍ଯ୍ୟନ୍ତ ସମସ୍ତ ଷ୍ଟୋର ଗୁଡିକ ବନ୍ଦ ରହିବ । କେବଳ ଗ୍ରେଟର ଚାଇନା ଷ୍ଟୋର ଗୁଡିକ ହିଁ ଖୋଲା ରହିବ । ଏପଲ ସିଇଓ ଟିମ କୁକ ହିଁ ପ୍ରଥମେ ଏହି ସୂଚନା ଦେଇଥିଲେ ।

Leave A Reply

Your email address will not be published.