Odisha News

ଲତା ମଙ୍ଗେଶକର ଓ ଆଶା ଭୋସଲେଙ୍କ ପିଲାବେଳର ଫଟୋ ଶେୟାର କଲେ ବିଗ୍‌ ବି ଅମିତାଭ ବଚ୍ଚନ, ଫ୍ୟାନ୍‌ କହିଲେ ଏମିତି କଥା

ଅମିତାଭ ବଚ୍ଚନ ଟୁଇଟରରେ ଲତା ମଙ୍ଗେଶକର ଓ ଆଶା ଭୋସଲେଙ୍କ ଏକ ପିଲାବେଳର ଫଟୋ ଶେୟାର କରିଛନ୍ତି। ଫଟୋ ଶେୟାର କରିବାର ମାତ୍ର ୧ ମିନିଟ୍‌ ଭିତରେ ଏହାକୁ ୨୦୦୦ରୁ ଅଧିକ ଲାଇକ୍‌ ମିଳିସାରିଛି।

ବିଗ୍‌ ବି ଏହି ଫଟୋ ଶେୟାର କରି କ୍ୟାପସନ ଲେଖିଛନ୍ତି, ‘ଲତା ଜୀ ଓ ଆଶା ଜୀଙ୍କ ପିଲାବେଳର ଫଟୋ। ମୁଁ ପଢ଼ିଥିଲି କି ଲତା ଜୀ ନିଜ ଗୁରୁମାନଙ୍କୁ ମନେ ପକାଉଛନ୍ତି ଏବଂ ହଠାତ୍‌ ମୋତେ ଏହି ଫଟୋ ମିଳିଗଲା। ଟେଲିପ୍ୟାଥି’!! ଫଟୋର ବାମପାର୍ଶ୍ୱରେ ଲତା ଜୀ ଶାର୍ଟ ଏବଂ ସ୍କର୍ଟ ପିନ୍ଧି ଛିଡ଼ାହୋଇଥିବାର ଦେଖିବାକୁ ମିଳୁଛି। ସେ ଦୁଇପଟେ କେଶ ବାନ୍ଧିଛନ୍ତି। ସେଠି ଡାହାଣ ପାର୍ଶ୍ୱରେ ଆଶା ଜୀ ଫ୍ରକ୍‌ରେ ନଜର ଆସୁଛନ୍ତି ଏବଂ ତାଙ୍କ କେଶ ଛୋଟ ଅଛି।

ଏହି ଫଟୋ ଫ୍ୟାନ୍‌ମାନଙ୍କୁ ବେଶ୍‌ ପସନ୍ଦ ଆସିଛି। ଜଣେ ଫ୍ୟାନ୍‌ ଲେଖିଛନ୍ତି, ‘ବହୁତ ସ୍ୱୀଟ୍‌, କ୍ୟୁଟ୍‌ ଆଉ ସୁନ୍ଦର ଫଟୋ’। ଆଉ ଜଣେ ଲେଖିଥିଲେ, ‘ବଢ଼ିଆ ସାର୍‌, ଆପଣଙ୍କର ଏବଂ ଲତା ଜୀଙ୍କର ସୁସ୍ଥ ଜୀବନ କାମନା କରୁଛି’।

ଗୁରୁଙ୍କୁ ମନେ ପକାଇଥିଲେ ଲତା

ଏହାପୂର୍ବରୁ ଲତା ଏକ ଟୁଇଟ୍‌ କରିଥିଲେ। ସେ ଲେଖିଥିଲେ ଯେ ‘ଆଜି ମୋ ବାପା ସମାନ କବି ପଣ୍ଡିତ ନରେନ୍ଦ୍ର ଶର୍ମା ଏବଂ ମୋ ଆଧ୍ୟାତ୍ମିକ ଗୁରୁଜୀ ପଣ୍ଡିତ ଜମ୍ମୁ ମହାରାଜ ଜୀଙ୍କ ପୁଣ୍ୟତିଥି। ମୁଁ ସେମାନଙ୍କ ଜୀବନରୁ ବହୁତ କିଛି ଶିଖିଛି। ଏହି ଦୁଇ ମହାନ୍‌ ବିଭୂତିଙ୍କୁ ମୁଁ କୋଟି କୋଟି ପ୍ରଣାମ କରୁଛି’।

Loading...

Leave A Reply

Your email address will not be published.