Odisha News

ଆସନ୍ତା ୧୭ ତାରିଖରେ ଲଞ୍ଚ ହେବ ଦେଶର ସବୁଠାରୁ ଶକ୍ତିଶାଳୀ ସଞ୍ଚାର ଉପଗ୍ରହ, ବଢ଼ିବ ଇଣ୍ଟରନେଟ ସ୍ପିଡ଼

ଭାରତୀୟ ଅନ୍ତରୀକ୍ଷ ଅନୁସନ୍ଧାନ ସଂସ୍ଥାନ ବା ଇସ୍ରୋ ଆସନ୍ତା ଜାନୁଆରୀ ୧୭ ତାରିଖରେ ଦେଶର ସବୁଠୁ ଶକ୍ତିଶାଳୀ ଉପଗ୍ରହ ଲଞ୍ଚ କରିବାକୁ ଯାଉଛି । ଏହି ଉପଗ୍ରହ ଲଞ୍ଚ ହେବା ପରେ ଭାରତର ସଞ୍ଚାର ବ୍ୟବସ୍ଥା ଆହୁରି ମଜବୁତ ସ୍ଥିତିକୁ ଆସିବ ବୋଲି ଇସ୍ରୋର ବୈଜ୍ଞାନିକ ମାନେ ଦାବି କରିଛନ୍ତି । ଏହା ସହ ଦେଶରେ ନୂଆ ଇଣ୍ଟରନେଟ ଟେକ୍ନୋଲୋଜି ମଧ୍ୟ ଉପଲବ୍ଧ କରାଯାଇପାରିବ । ଆଉ ମଧ୍ୟ ଯେଉଁ ଗାଁ ଗୁଡିକୁ ଏଯାବତ ମୋବାଇଲ ସେବା ପହଞ୍ଚି ପାରିନାହିଁ ସେଗୁଡ଼ିକରେ ଏସୁବିଧା ଯୋଗାଯାଇପାରିବ । ଏହାବାଦ ଦେଶର ଟିଭି ପ୍ରସାରଣ, ସମାଚାର ପ୍ରସାରଣ , ବିଭିନ୍ନ ସାମାଜିକ କାମରେ ଆସୁଥିବା ଜିଓ ସ୍ପେଶାଲ ସୁବିଧା, ପାଣିପାଗ ସମ୍ବନ୍ଧୀୟ କୌଣସି ତଥ୍ୟ ସହଜରେ ମିଳିପାରିବ ।

GSAT -30 TWO

ଇସ୍ରୋ ଦ୍ୱାରା GSAT-30କୁ ୟୁରୋପିୟନ ହେଭି ରକେଟ ଏରିୟାନ-5ECA ସହ ଜାନୁଆରୀ ୧୭ ତାରିଖ ୨.୩୫ ସମୟରେ ଯୋଡ଼ା ଯିବ ବୋଲି ଜଣାଯାଇଛି । GSAT-30ର ଓଜନ ପାଖାପାଖି ୩୧୦୦ କିଲୋଗ୍ରାମର ରହିଛି । ଏହା ଇନସାଟ ସାଟେଲାଇଟ ସ୍ଥାନରେ କାମ କରିବ । ଏହାକୁ ଫ୍ରେଞ୍ଚ ଗୁଏନାର କରଉ ଲଞ୍ଚ ବେଶରୁ ହିଁ ଲଞ୍ଚ କରାଯିବ । ମିଳିଥିବା ସୂତ୍ର ଅନୁଯାୟୀ GSAT-30 ହେଉଛି GSAT ସିରିଜର ସବୁଠୁ ଶକ୍ତିଶାଳୀ ସଞ୍ଚାର ଉପଗ୍ରହ । ବର୍ତ୍ତମାନ ସୁଦ୍ଧା ଜିସାଟ ସିରିଜର ପ୍ରାୟ ୧୪ ଟି ସାଟେଲାଇଟ କାର୍ଯ୍ୟ କରୁଅଛି । ଯାହା ସାହାଯ୍ୟରେ ଦେଶରେ ସଞ୍ଚାର ବ୍ୟବସ୍ଥା ଦୃଢ ହୋଇପାରିଛି ।

Loading...

Leave A Reply

Your email address will not be published.